جاوبيني واسألي ..؟

[لهب شمعة]

مدخل ".​

بديت فكره فلسفتها ملامحك
مضمونها احساس فكري وشعري​

عجزت اخبي عنك وازريت اصارحك
لاخايفن منك ولا اقويت تدري​

ازعلك وارجع واعتذر لك واصالحك
واقول لازم تقبل اليوم عذري​

تمزح معي وانا اجي لك وامازحك
وان ضقت ضاقت بي تهذري واهذري​

كلك تسامح لاسمحتي و اسامحك
نفس المشاعر تحتوينا ونسري​

انا توي مع العالم اعيش وعيشتي تحرير
ابد ماقد تموت النفس لجل انسان واحيا به​

يسلي خاطري شعري واجدد فيه بالتعبير
اليا من ضقت للضيقه ينوخ شعري اركابه​

احب امزح مع العالم و لكن باحترام الغير
اسلي من معي يبغى يسلى النفس واسلابه​

اليمن جيتني صدفه وصدفه مالها تبرير
كذا المكتوب لاجانا نقول الفين واهلا به​

لجل هذا تعالي واسمعيني واحشري التبصير
عشان افهم وش اللي معك صاب الفكر والها به ​

انا كلي معك من جد جدية مع التفكير
يخالجني شعوراً لاوربي ما احسب حسابه ​

احس ان الوله يبدا معاناته مع التكرير
يجدد لانتهى وقته ويرجع يفتح ابوابه​

على شان ايش ما ادري ولا ادري ليش هالتغييير
تخالط بي احاسيساً رهيبه بس لعاااابه​

احاول اسرق اللحظات لاجن الغلا واحير
اليا مني نسيت انسى واقول الحين وش جابه​

وله عاشق وانا للحين ماجا دور للتحرير
عشان انظم حروف الحب وافتح صفحة كتابه​

اجي كلي وانا مدري عشانك او عشاني غير
تغير بي احاسيس الضروف وجيت لك آآآبه​

اميز في عيون الناس وعيون الغلا ويغير
إلا منه معي رافق خيالك باول اسسرابه​

احسك فكرتاً صعبه عجزت القى لها تصوير
يهد الحلم لامني حلمت الطيف بترابه​

بعد هذا الحكي وقف وقلي واشرح التفسير
وش اللي معك حسيته تفضل واذكر اسبابه​

مخرج :​

لايمر الشعر بعيونك غريب
جاوبيني لاسألتك وأسألي​

اعتبرني طالبك وانت الاديب
جاوبيني ..ومع جوابك عللي​

العليل اللي يشوفك له طبيب
وش تشوفه.؟.. جاوبيني واسألي ..؟​

​

 

[AwTar Al-MaSh3r]

موضوع مميز منك يا لهب

بارك الله فيك​

 

[DeleGnT]

كلمات رائعة كروعة صاحبها

وموضوع مميز كعادة أستمتعنا بها من متألقنا لهب شمعة

رفع الله قدرة ووفقة لكل خير

 

[لهب شمعة]

مروركم نور صفحتي

لا تحرموني طلتكم احبتي

كل الود

 

[● ـالآميـــرهـ≈]

سلمت يداك على الطرح الرئع
ونتظر جديدك
تحيتي
ـالاميره